深圳美食 - 順德公廣東豬肚雞

位於福田區嘅｢順德公廣東豬肚雞｣,號稱係深圳第一豬肚雞煲,究竟佢有啲咩嘢過人之處呢?今次就同大家介紹一下｡

佢嘅湯底標榜用新鮮豬骨､白胡椒､金華火腿､紅米酒等多種材料每日花15小時熬成,所以湯底係非常新鮮濃郁,一打開煲蓋已經聞到非常香!

侍應會推薦你先飲一碗湯,雖然湯底用白胡椒煮食,但係唔會覺得辣口,而且飲落非常暖胃👍🏻

由於湯底已經夠鮮,所以無論叫乜嘢火鍋配料落去煮都好好食,我今次就叫咗手切鮮牛肉,非常彈牙｡另外仲有淮山片同海帶,非常入味｡

隨此之外,我哋仲叫咗一鍋煲仔飯同埋冷盤魚皮,煲仔飯做到飯焦香脆而且唔黐牙,而且臘味非常香濃唔會太肥膩,魚皮就非常香口｡

整體用餐體驗很好,餐廳環境乾淨,服務亦都很好,三個人食大約人民幣$350,超值👍🏻

😋😋😋😋😋/5

#深圳美食 #深圳攻略 #深圳一日遊 #深圳打卡 #深圳火鍋 #順德公廣東豬肚雞 #社群請您睇音樂會 #